Тошкентнинг айрим ҳудудларида 29-сентябр куни электр энергияси таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш, куз-қиш мавсумига пухта тайёргарлик кўриш мақсадида қуйидаги манзилларда электр таъминоти вақтинча ўчирилади:
- Учтепа тумани — “Боғичинор” МФЙнинг айрим кўчаларида соат 09:00 дан 17:00 гача;
- Бектемир тумани — “Гулбоғ” МФЙнинг айрим кўчаларида соат 09:00 дан 17:00 гача.
Таъкидланишича, таъмирлаш ишлари белгиланган вақтдан аввалроқ якунланиши мумкин.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Шунингдек, куз-қиш мавсумига тайёргарлик ишлари доирасида бугун, 29 сентябрь куни Мирзо Улуғбек ва Янгиҳаёт туманлари айрим ҳудудларида соат 10:00 дан 18:00 га газ таъминоти тўхтатилади:
Янгиҳаёт тумани — “Чоштепа”, “Хушнуд”, “Эркин ҳаёт” ва “Олчазор” МФЙлари:
- аҳоли истеъмолчилари сони — 2920 та;
- улгуржи истеъмолчилар сони — 25 та.
Мирзо Улуғбек тумани — А.Югнакий, Ҳумоюн, ТТЗ-1, ТТЗ-2, ТТЗ-4 мавзелари, Бешқала, Султония, Мунаввар қори, Гулрайхон, Геофизика ва Темурийлар МФЙлари:
- ерли хонадон сони — 13 341 та;
- улгуржи истеъмолчилар сони — 7 та (3 та автомобилларга газ тўлдириш компрессор шохобчалари).
Аввалроқ Бектемир ва Учтепа туманларида табиий газ етказиб бериш, шунингдек, Сергели ва Бектемир туманларида электр энергияси таъминоти вақтинча тўхтатилиши тўғрисида хабар берилганди.
Изоҳ (0)