Qirg‘iziston va Rossiya o‘rtasida Rossiya Milliy gvardiyasi harbiy bilim yurtlarida Qirg‘iziston Ichki ishlar vazirligi Ichki qo‘shinlari harbiy xizmatchilarining malakasini oshirish bo‘yicha shartnoma imzolandi. Bu haqda Sputnik axborot agentligining xabar berdi.
Rasmiy hujjat Rossiya delegatsiyasining Qirg‘iziston Respublikasiga tashrifi chog‘ida Qirg‘iziston IIV rahbari o‘rinbosari Adilbek Biybosunov va Rossiya gvardiyasi direktori o‘rinbosari Oleg Ploxoy tomonidan imzolandi.
Qirg‘iziston Respublikasi Ichki qo‘shinlari askar va ofitserlari Rossiya hukumati tomonidan ajratilgan kvotaga asosan Rossiyada bepul o‘qish imkoniyatiga ega bo‘ladi.
Mehmonlar Qirg‘iziston huquq-tartibot idoralarining qurol-yarog‘, texnika va jihozlari namunalarini ko‘zdan kechirgan.
Ularga qirg‘iz harbiylari tartibsizliklarni qanday bartaraf etishi va xavfli jinoyatchilarni qo‘lga olishi ko‘rsatilgan.
Izoh (0)