Iroqning Nineviya viloyati Hamdaniya tumanida to‘y marosimi chog‘ida sodir bo‘lgan yong‘in oqibatida 100 kishi halok bo‘ldi, yana 150 kishi jarohatlandi, deb xabar bermoqda INA.
Iroq bosh vaziri Muhammad Shia Al-Sudani ichki ishlar va sog‘liqni saqlash vazirlariga yong‘indan jabr ko‘rganlarga yordam ko‘rsatish uchun barcha imkoniyatlarni safarbar qilishni buyurdi.
“Baxtsiz hodisada jabrlanganlarga yordam ko‘rsatish uchun barcha imkoniyatlar ishga solinmoqda”, — deyiladi hukumat rahbari matbuot xizmati xabarida.
Fuqarolik mudofaasi yong‘inga to‘y vaqtida pirotexnikadan foydalanish sabab bo‘lgan bo‘lishi mumkinligini ma’lum qildi. Marosim o‘tkazilgan zalda yong‘in xavfsizligi talablariga rioya etilmagan. Yong‘in vaqtida zalning ayrim qismlari qulab tushgan, chunki qurilish vaqtida yonuvchan va arzon materiallar qo‘llangan, dedi fuqarolik muhofazasi xodimlari.
Avval Iroqda ziyoratchilar ketayotgan avtobus ag‘darilib, 18 kishi halok bo‘lgandi.
Izoh (0)