Ироқнинг Ниневия вилояти Ҳамдания туманида тўй маросими чоғида содир бўлган ёнғин оқибатида 100 киши ҳалок бўлди, яна 150 киши жароҳатланди, деб хабар бермоқда INA.
Ироқ бош вазири Муҳаммад Шиа Ал-Судани ички ишлар ва соғлиқни сақлаш вазирларига ёнғиндан жабр кўрганларга ёрдам кўрсатиш учун барча имкониятларни сафарбар қилишни буюрди.
“Бахтсиз ҳодисада жабрланганларга ёрдам кўрсатиш учун барча имкониятлар ишга солинмоқда”, — дейилади ҳукумат раҳбари матбуот хизмати хабарида.
Фуқаролик мудофааси ёнғинга тўй вақтида пиротехникадан фойдаланиш сабаб бўлган бўлиши мумкинлигини маълум қилди. Маросим ўтказилган залда ёнғин хавфсизлиги талабларига риоя этилмаган. Ёнғин вақтида залнинг айрим қисмлари қулаб тушган, чунки қурилиш вақтида ёнувчан ва арзон материаллар қўлланган, деди фуқаролик муҳофазаси ходимлари.
Аввал Ироқда зиёратчилар кетаётган автобус ағдарилиб, 18 киши ҳалок бўлганди.
Изоҳ (0)