Andijonda dunyo bo‘yicha o‘z nufuziga ega bo‘lgan FAW brendi ostidagi yuk mashinalari ishlab chiqarish zavodi ishga tushirildi. Bu haqda viloyat hokimligi axborot xizmati xabar berdi.
“Vodiy Universal Majmua” MCHJ korxonasi hamda Xitoy davlatidagi FAW Group korxonasi tomonidan tashkil etilgan ushbu loyihaning qiymati 15 million dollarni tashkil etdi. Zavod ochilishi O‘zbekiston va Xitoy avtomobilsozlik sanoati uchun muhim voqea sanalib, FAW Group korporatsiyasining 70 yillik yubileyi uchun ham o‘ziga xos yangi qadam sifatida baholanmoqda.
Korxonaning tantanali ochilish marosimida Andijon viloyati hokimi Shuhratbek Abdurahmonov, FAW Trucks direktorlar kengashi raisi Xu Xansze, O‘zbekiston Investitsiyalar, sanoat va savdo vazirligi vakillari, “Vum” dilerlik korxonalari rahbariyati, hamkorlar hamda andijonlik bir guruh faollar ishtirok etdi.
Izoh (0)