Андижонда дунё бўйича ўз нуфузига эга бўлган FAW бренди остидаги юк машиналари ишлаб чиқариш заводи ишга туширилди. Бу ҳақда вилоят ҳокимлиги ахборот хизмати хабар берди.
“Водий Универсал Мажмуа” МЧЖ корхонаси ҳамда Хитой давлатидаги FAW Group корхонаси томонидан ташкил этилган ушбу лойиҳанинг қиймати 15 миллион долларни ташкил этди. Завод очилиши Ўзбекистон ва Хитой автомобилсозлик саноати учун муҳим воқеа саналиб, FAW Group корпорациясининг 70 йиллик юбилейи учун ҳам ўзига хос янги қадам сифатида баҳоланмоқда.
Корхонанинг тантанали очилиш маросимида Андижон вилояти ҳокими Шуҳратбек Абдураҳмонов, FAW Trucks директорлар кенгаши раиси Ху Хансзе, Ўзбекистон Инвестициялар, саноат ва савдо вазирлиги вакиллари, “Вум” дилерлик корхоналари раҳбарияти, ҳамкорлар ҳамда андижонлик бир гуруҳ фаоллар иштирок этди.
Изоҳ (0)