Jizzax viloyati Zomin tumanida yuk mashinasi YPX maskaniga tiqilib qolgani aks etgan video tarqaldi. Yo‘l harakati xavfsizligi xizmati holat bo‘yicha maʼlumot berdi.
Unga ko‘ra, Zomin tumanidan o‘tuvchi xalqaro ahamiyatdagi A-376 avtomobil yo‘lida joylashgan “Yakkabog‘-15” muntazam YPX maskanidan katta hajmdagi yuk ortilgan transport vositasi harakatlanib o‘tayotgan vaqtda mazkur jarayon atrofdagi fuqarolar tomonidan tasvirga olingan. Ushbu video tarmoqlarda go‘yoki yukning tepa qismi YPX maskanidagi ustunga tegib qolgani haqidagi izohlar bilan tarqatilgan.
Qayd etilishicha, mazkur xabarlar asossiz bo‘lib, katta hajmdagi yuk ortilgan transport vositasi ushbu YPX maskanidan harakat xavfsizligi taʼminlangan holda, masʼul xodimlarning nazorati ostida ehtiyotkorlik bilan olib o‘tilgan. O‘tish jarayonida atrofdagi biror jihoz yoki ortilgan yukka ziyon yetmagan.
Izoh (0)