Namangan viloyatining Chust tumanida doridan zaharlangani taxmin qilinib, shifoxonaga yotqizilgan bolalarning barchasi sog‘ayib, uyiga qaytgan. Bu haqda sog‘liqni saqlash vaziri Amrillo Inoyatov jurnalist va blogerlar bilan muloqotida ma’lum qildi.
Namanganda zaharlangani aytilgan bolalarning barchasi sog‘ayib, bugungi kunda uyiga qaytarilgan. Hech bir bolaning ahvoli og‘ir emas, — dedi vazir Amrillo Inoyatov.
Vazirning bildirishicha, Namanganda bolalarning ommaviy zaharlanishi bilan bog‘liq holat to‘liq o‘rganib chiqilgan. Tez orada OAV vakillarini qiziqtirgan barcha savollarga javob beriladi.
Namanganda kasallanish holati bilan bog‘liq 450 ta murojaat kelib tushgan. Ularning eng ko‘pi — 306 tasi Chust tumaniga to‘g‘ri kelgandi.
Izoh (0)