“Bu — mahallaga ham vakolat, ham mas’uliyat degani”. Prezident mahallaga yangi vakolat topshirilishini ta’kidladi

Shavkat Mirziyoyev yig‘ilishda endilikda mahalla boshqaruvi yangi yondashuvlar asosida tashkil qilinishini ta’kidladi. Bu haqda Prezident matbuot xizmati xabar berdi.

Unga ko‘ra, amaldagi “beshlikka” soliqchi va ijtimoiy xodim ham qo‘shilib, birgalikda ishlaydigan “mahalla yettiligi” bo‘ladi. Jumladan, aholini 3 ta daftarga kiritish, moddiy yordam, subsidiya va kredit ajratish kabi 70 dan ortiq masalalar mahallaning o‘zida, kollegial hal qilinadi.

Shuningdek, 3 ta daftarga beriladigan mablag‘lar Bandlik, Tadbirkorlik va Kasanachilik jamg‘armalaridan
har bir mahallaga taqsimlab beriladi. Ya’ni mablag‘ni ishlatish mahallaning o‘ziga, “yettilik” ixtiyoriga beriladi.

“Bu — mahallaga ham vakolat, ham mas’uliyat degani”, — dedi prezident.