Talabalarga 4 yillik o‘qish davri uchun 11,5 yil muddatga kredit ajratiladi. AOKAda o‘tkazilgan brifingda “Mikrokreditbank” ATB axborot xizmati rahbari Sarvar Ochilov ajratilayotgan taʼlim kreditlari haqida maʼlumot berdi.
Unga ko‘ra, bank tomonidan 2022—2023-yillarda jami 11 mingga yaqin talabaga 112 milliard so‘mdan ortiq taʼlim kreditlari ajratildi. Shundan 71 foizi yoki 80 milliard so‘mi xotin-qizlarga ajratilgan kreditlar hissasiga to‘g‘ri keladi. Joriy o‘quv yilining o‘zida esa ming nafardan ortiq talabaga 14 milliard so‘mlik taʼlim kreditlari ajratildi.
Ushbu kreditlarning ham asosiy qismi, yaʼni 77 foizi xotin-qizlarning taʼlimini qo‘llab-quvvatlashga yo‘naltirildi.
Izoh (0)