Gruziya parlamentida parlament ko‘pchiligi va muxolifat deputatlari o‘zaro mushtlashdi. Sobiq bosh prokuror Otar Partsxaladzega qarshi sanksiyalarga Milliy bank qo‘shilmagani uchun xalq vakillari bir-birini aybladi. Bu haqda Report.az xabar berdi.
Muxolifatdagi deputat “Agmashenebeli strategiyasi” partiyasi yetakchisi Giorgiy Vashadze va hukmron “Gruziya orzusi” partiyasi vakili Irakli Zarkua o‘rtasida mushtlashuv bo‘lib o‘tgan. Parlamentdagi ko‘pchilik deputatlar muxolifat a’zolarini Amerika agentlari deb ayblagan. Ular, o‘z navbatida, “Gruziya orzusi” deputatlariga Rossiya agentlari deb javob qaytargan.
Janjal Vashadze konferensiya zalidan chiqarib yuborilganidan keyin boshlangan. Vashadze zalga qaytmoqchi bo‘lgan, biroq xavfsizlik xodimlari unga to‘sqinlik qilgan. Shundan so‘ng muxolifatning bir qismi hukmron partiya rahbari Irakliy Kobaxidzening chiqishiga to‘sqinlik qilgan.
Izoh (0)