Шавкат Мирзиёев 20 сентябрь куни Нью-Йорк шаҳрида Футбол ассосиациялари халқаро федерацияси (ФИФА) раҳбари Жанни Инфантино билан учрашув ўтказгани ҳақида хабар берилган эди.
Маълум қилинишича, учрашув вақтида ФИФА раҳбари Шавкат Мирзиёевга футбол тўпи совға қилди. Тўпга президентнинг исми туширилган. Давлат раҳбари Жанни Инфантинони 2023 йилги футбол бўйича аёллар ўртасидаги жаҳон чемпионати муваффақиятли ўтказилгани билан самимий табриклаган.
Мамлакатда ФИФАнинг йирик халқаро тадбирларини, шу жумладан, аёллар ва ўсмирлар ўртасидаги биринчиликларни ташкил этиш ва ўтказиш масалалари муҳокама қилинган. Федерация раҳбари Ўзбекистонни 2024 йилда илк бор ФИФА шафелигидаги футзал бўйича жаҳон чемпионатига мезбонлик қилиши билан табриклаган ва унинг юқори савияда ўтказилишига муваффақиятлар тилаган.
Изоҳ (0)