Turk kino ijodkorlari tomonidan suratga olingan “Qo‘rg‘on sirlari” seriali katta mashhurlikka erishdi. Hozirda serialning ikkinchi mavsumini suratga olish ishlari qizg‘in davom etmoqda. “Qo‘rg‘on sirlari” serialining televideniyedagi premyerasiga esa bir oydan kam vaqt qoldi. Quyida loyihaning yangi mavsum tafsilotlari haqida ma’lumot beriladi.
Aktyorlar tarkibidagi o‘zgarish
Yangi mavsum boshlanishi bilan aktyorlar tarkibida katta o‘zgarishlar yuz berdi. Bu ko‘plab tomoshabinlarni hayron qoldirdi. Aktrisa Buche Buse Kahraman (Pelin) loyihani tark etdi. Yangi mavsumda Pelin ham, uning onasi ham ekranlarda ko‘rinish bermaydi.
Eslatib o‘tamiz, serialning birinchi mavsumi yakunida Pelin o‘zini dengizga tashlagan edi. Uning taqdiri shu yerda o‘z nihoyasiga yetadimi? Bu savol ning javobini serial ikkinchi mavsumining premyerasidan so‘ng bilib olsa bo‘ladi. Biroq Pelinning taqdiri fojiali bo‘lishi va bu Ferit va Seyranga katta ta’sir qilishi mumkin.
Shuningdek, ruhiy nosog‘lom Tarik va Safet serialni tark etdi, biroq keksa Safet haqida hech qanday ma’lumot yo‘q. Bir tomondan, loyihada bu aqldan ozgan oila vakillari haqidagi tafsilotlar bo‘lmasligi tomoshabinni hayratlantiradi, ammo boshqa tomondan, ular serialdan to‘satdan chiqarib yuborilgani qiziq.
Ular qanday qilib loyihani tark etishi mumkin? Kazimning vijdoni qiynalib, Sunani o‘sha uydan olib ketadimi? Biroq Safet kabi gapi o‘tadigan inson haqiqatan ham bu ishning osonlikcha sodir bo‘lishiga yo‘l qo‘yadimi?
Yana qaysi qahramonlar loyihani tark etdi?
.jpg)
Birinchi mavsum yakunida Oznur Sercheler (Asuman) va Sherif Sezer (Xattuch) serialni tark etishi haqida mish-mishlar tarqaldi, biroq bu borada rasmiy ma’lumotlar yo‘q edi. Asumanni serialdan chiqarib yuborish mantiqan to‘g‘ri kelsa ham, tomoshabinlar Xattuch xolaning loyihani tark etishini umuman istamaydi.
Yaqinda Irem Altug (Sulton) loyihani tark etgani haqida mish-mishlar tarqaldi. Aktrisa serialning rasmiy akkauntiga obunani bekor qildi va bu shunday mish-mishlarga sabab bo‘ldi. Tomoshabinlar bu personajni serialda ko‘rishni ham istamaydi, chunki uning Ferit bilan bo‘lgan munosabatlari hikoyasi juda uzoqqa cho‘zilib ketgan va bu voqea yana loyihada yoritilmasligi uchun uning ikkinchi mavsumda ishtirok etmasligi ma’qul ish bo‘lardi.
Yangi qahramonlar haqida
Kuzgi mavsumda loyihaga ikki nafar bosh qahramon qo‘shiladi: Xalis og‘aning benikoh tug‘ilgan qizi (Binnur Kaya gavdalantirgan) va uning nabirasi (Taro Emir Tekin ijrosida) kabi qahramonlarni ko‘rish mumkin. Sizningcha, ular ijobiy qahramon bo‘ladimi? Ehtimol, avvaliga ular antagonist rolini o‘ynaydi va Feritning asosiy dushmaniga aylanadi.
Bosh qahramonlarning taqdiri qanday kechadi?
Ko‘pchilik yangi mavsumda bosh qahramonlarni qanday voqealar kutayotgani bilan qiziqmoqda. Bunday fojiadan keyin ajrashgan Seyran va Ferit qanday qilib qayta uchrashadi? Bu haqda hech qanday spoylerlar yo‘q, biroq oldinda ular bir muddat ayriliqni his qiladi, deyish mumkin. Balki Ferit Istanbulda tuzalayotgan bir paytda Seyran ham Antepda yashar va keyin ularning o‘z sevgisi uchun kurashi boshlanishi mumkin.
Gulgun, O‘rxan, Ifakat
Tomoshabinlar eng muhimi, yangi mavsumda ko‘zini ochib, O‘rxanga ham, Ifakatga ham qarshi kurashadigan kuchli Gulgunni ko‘rishga umid qilmoqda.
Izoh (0)