Turk aktrisasi Afra Saracho‘g‘lu “Qo‘rg‘on sirlari” serialida Seyran rolini ijro etganidan keyin mashhurlikka erishdi. Biroq aktrisa yosh bo‘lishiga qaramay bir qancha mashhur turk seriallarida suratga tushgan. Quyida Afra Saracho‘g‘lu ishtirokidagi eng mashhur turk seriallari haqida ma’lumot beriladi.
“Fazilat xonim qizlari” serialidagi Eje obrazi
Serial sujeti haqida qisqacha: Fazilat xonim turmush o‘rtog‘idan ayrilgach, ikki qizini yolg‘iz o‘zi tarbiyalaydi. Fazilat butun umrini afsus bilan o‘tkazadi, u hali yosh bo‘lgan kenja qizining kelajakda yaxshi hayot kechirishini istaydi. Biroq uning yo‘lidagi eng katta to‘siq – o‘zining nafis go‘zalligiga qaramay, o‘zini o‘g‘il boladek tutib, onasi bilan til topisha olmaydigan to‘ng‘ich qizi Hazan.
Egemenlar oilasi badavlat, qudratli, ularning uyi Bosfor sohilida joylashgan, kunlardan bir kun ushbu oilaning yo‘llari Fazilat va uning qizlari bilan kesishadi. Egemenlarning boyligi Fazilat orzu qilgan yaxshi hayot uchun bemalol yetadi. Ushbu oila a’zolari bilan uchrashgandan keyin nafaqat Ejening hayoti, balki oilaning doim muammo chiqaradigan o‘g‘li Sinanga oshiq bo‘lgan Hazanning turmush tarzi ham o‘zgaradi.
Afra atigi 19 yoshga to‘lganda uni muvaffaqiyatli “Fazilat xonim qizlari” loyihasida Eje rolini o‘ynashga taklif qilishdi. Mahoratli aktyorlar Nazan Kesal, Deniz Baysal, Chag‘lar Ertug‘rul va Alp Navro‘z orasida Afra roli biroz orqa fonga tushib qoldi. Biroq birinchi mavsumning oxiriga kelib, uning obrazi tobora ko‘proq ochila boshladi va ikkinchi mavsumda Afra aktrisa sifatida katta mashhurlikka erishdi.
Qiziqarli fakt: “Qo‘rg‘on sirlari”da bosh rolni ijro etgan aktyorlar Afra Saracho‘g‘lu va Mert Ramazon Demir ilk bor “Fazilat xonim qizlari” serialining suratga olish maydonchasida uchrashishgan. Mert loyihaning epizodik sahnasida suratga tushgan va unda Ejening sinfdoshi rolini o‘ynagan.
“Xolavachchalar” serialida Hayot obrazi
Sujet: Umron va Umay — bir yigitni sevib qolgan ikki opa-singil. Umron qizi Hayot bilan turmush o‘rtog‘ining qishlog‘idagi kichik uyda, Umay esa qizi Hayol bilan Istanbulda hech bir kamchiliksiz hayot kechiradi. Oradan ko‘p yillar o‘tib, opa-singillar yana to‘qnashadi va ularning qizlari ham bir yigitni sevib qolishadi, bu esa yangi kutilmagan hodisalarga va o‘tmish uchun hisob-kitoblarga olib keladi.
Bu serial namoyish etilganidan so‘ng turk jamoatchiligi orasida katta shov-shuvga sabab bo‘lgan. Serialning birinchi qismi shiddatli voqealarga boy ekani va Afra Saracho‘g‘luning g‘ayrioddiy obrazi ko‘pchilikni hayratda qoldirdi.
Shuningdek, tomoshabinlarga ushbu serialdagi qahramonlar Afra va Furkan Andich o‘rtasidagi sevgi hikoyasi qiziqarli bo‘lgan. Biroq, aktyor bir vaqtning o‘zida loyihani tark etishga qaror qildi va bu holat rad etildi, shundan keyin serialga bo‘lgan qiziqish kamaydi. Dastlab “Xolavachchalar” seriali juda mashhur loyiha edi.
“Yeshilcham” serialidagi Tyulin obrazi
Sujet: Turkiyada 1960-yillarda sodir bo‘lgan voqealarni o‘zida aks ettiradi. Ambitsiyali yosh prodyuser Semih Atesh mashhur “Yesilcham” kinostudiyasida ishlaydi. Biroq uning karyerasi biznesdagi partnyorining xiyonati tufayli tugaydi va shundan keyin hamma narsani noldan boshlashiga to‘g‘ri keladi. U blokbaster yaratish, o‘z nomi va muvaffaqiyatini qaytarish uchun o‘z kompaniyasini ochadi.
2021-yilda Afra Saracho‘g‘luga raqamli platforma uchun bir qator loyihalar ustida ishlash bo‘yicha murojaat qilishdi. U hattoki Chig‘atoy Ulusoydek iste’dodli va mashhur aktyor bilan partnyor bo‘ldi. 60-yillar aktrisasining o‘zgacha qiyofasi Afraga juda mos keladi. O‘sha davr ruhiga to‘yingan serial ko‘plab tomoshabinlar qalbidan joy oldi.
Izoh (0)