Zelenskiyning korrupsiyani davlatga xiyonatga tenglashtirish qarori G‘arbga yoqmadi — OAV

Ukraina prezidenti ofisi mamlakat rahbari Vladimir Zelenskiyning katta miqdordagi korrupsiyani huquqiy darajada davlatga xiyonatga tenglashtirish haqidagi taklifiga shoshilmaslikka qaror qildi. Bu haqda manbalarga tayanib, RBK Ukraina xabar berdi.

Avvalroq Ukraina kafili Natalya Moseychuk tegishli tashabbus bilan qonun loyihasini Oliy Rada ko‘rib chiqishi uchun taqdim etishni rejalashtirayotganini aytgandi. Biroq Ukrainaning g‘arbiy sheriklariga bu yoqmagan: “bezovta” elchilarning tegishli signallari bilan chet eldan qo‘ng‘iroqlar kela boshlagan.

“Elchixonalardan va okeanning narigi tomonidagi hamkorlardan Bankovaga qo‘ng‘iroqlar bo‘ldi. Ular bunday qonunning qabul qilinishini tushunmasliklari va bu e’tibordan chetda qolmasligi aniq aytilgandi”, — deydi Zelenskiy ofisidagi vaziyat bilan tanish suhbatdosh.

Qayd etilishicha, Ukrainaning g‘arbiy hamkorlari Zelenskiyning tashabbusini Ukraina rasmiylarining milliy aksilkorrupsiya byurosi faoliyatiga aralashishga urinishi sifatida baholamoqda, u xolis, tashqi ta’sirlarsiz harakat qilishi kerak.

“Shu bois prezident ofisi ushbu qonun loyihasi borasida shoshilmaslikka qaror qildi”, — deyiladi xabarda.