Ekologiya, atrof-muhitni muhofaza qilish va iqlim o‘zgarishi vazirligi tashabbusi bilan Namanganda kuzatuv kameralari o‘rnatish boshlandi. Bu haqda “Daryo” muxbiri Azizbek Abduvaliyev xabar bermoqda.
Foto: Namangan viloyat Ekologiya boshqarmasi matbuot xizmati
Ushbu kameralar belgilanmagan joylarga chiqindi tashlayotgan shaxslarni aniqlash va ularga chora ko‘rish imkoniyatini beradi.
Namangan shahrining aholi gavjum va chiqindilar ko‘p tashlanadigan “Chorsu” hamda “Madaniy maorif” mahallalariga birinchilardan bo‘lib kameralar o‘rnatildi. Ular yordamida har ikki mahalla hududini tozalik borasida to‘liq nazorat qilish mumkin.
Vazirlik viloyat hududiy boshqarmasi mutasaddilariga ko‘ra, kelgusida Namangan shahrining yana 10 ta hududiga shunday kameralar o‘rnatish ko‘zda tutilgan. Keyinchalik bu amaliyot tumanlarda ham joriy etiladi.
Izoh (0)