Marokashda zilzila oqibatida halok bo‘lganlar soni 2 122 nafarga, jarohatlanganlar soni esa 2 421 nafarga yetdi. Bu haqda Al Jazeera telekanali Ichki ishlar vazirligi ma’lumotlariga tayanib xabar berdi.
.jpg)
Telekanal maʼlumotlariga ko‘ra, yo‘llardagi to‘siqlar tufayli qutqaruvchilar eng ko‘p jabrlangan hududlarga yetib borishga qiynalmoqda. Zilzila qurbonlari to‘qqizta viloyat va prefekturalarda qayd etilgan.
Qatar rasmiylari Marokashga yettita qidiruv-qutqaruv vertolyoti, chodirlar, tibbiy asbob-uskunalar va oziq-ovqat ko‘rinishida yordam jo‘natdi. Xalqaro Qizil Xoch qo‘mitasi tashkilotning Marokashdagi filialini qo‘llab-quvvatlash uchun favqulodda vaziyatlar fondidan qariyb 1 million dollar ajratdi. Mamlakat shuningdek, Ispaniya, Buyuk Britaniya va Birlashgan Arab Amirliklaridan yordam oladi.
Marokashdagi zilzila
9-sentabr kuni kechqurun Marrakesh va ko‘plab shaharlarda 6,8 magnitudali zilzila sodir bo‘ldi. Olis tog‘li hududlarda butun qishloqlar vayron bo‘lgani xabar qilingan.
Zilzila episentri Butunjahon merosi maqomiga ega va sayyohlar orasida mashhur bo‘lgan Marrakesh shahridan 71 kilometr (44 milya) janubi-g‘arbda joylashgan Yuqori Atlas tog‘larida joylashgan. Ammo yer silkinishlari poytaxt Rabotda, taxminan, 350 kilometr uzoqlikda, shuningdek, Kasablanka, Agadir va Es-Suveyrda ham sezilgan.
O‘zbekiston prezidenti zilzila qurbonlariga ta’ziya yo‘lladi
Shavkat Mirziyoyev Marokash hududida yuz bergan kuchli zilzila oqibatida ko‘plab odamlar qurbon bo‘lgani va jiddiy jarohat olgani, katta talafotlar ko‘rilgani munosabati bilan Marokash podshohi Muhammad VI ga taʼziya yo‘lladi.
Davlat rahbari vafot etganlarning oila aʼzolari va yaqinlariga hamdardlik bildirdi, jabrlanganlar tez fursatda sog‘ayib ketishini tiladi.
Izoh (0)