O‘zbekistonda so‘nggi uch yilda kiberjinoyatjinoyatlar qariyb 25 barobar oshib, fuqarolarning katta miqdordagi pullari onlayn tarzda o‘g‘irlangan. Bu haqda bosh prokuror Nig‘matilla Yo‘ldoshevning mamlakat aholisiga murojaatida ma’lum qilingan.
![](/static/2023/08/23/nigora_aliyeva/photo_2021-04-04_12-15-19.jpg)
“Yangi O‘zbekiston” nashrida e’lon qilingan murojaatnomada qayd etilishicha, bunday jinoyatlarning oldini olish uchun profilaktik chora-tadbirlar bilan bir qatorda ularni fosh etish bo‘yicha qator tashkiliy-texnik tadbirlar amalga oshirilmoqda. Xususan, Huquqni muhofaza qilish akademiyasida aynan shu yo‘nalishda o‘qitiladigan hamda ilmiy-tadqiqot ishlari olib boriladigan maxsus kafedra, ilmiy-uslubiy markaz va o‘quv laboratoriyasi tashkil etildi. Qisqa muddatda huquqni muhofaza qiluvchi organlarning ko‘plab xodimlari o‘qitildi.
“Kelgusida bunday tadbirlarni yanada kuchaytirib, normativ-huquqiy hujjatlardagi bo‘shliqlarni bartaraf etish, fuqarolarimizni kiber tahdidlardan himoya qilish, mazkur sohaga zamonaviy dasturiy-texnik yechimlarni va yangicha ish usullarini joriy etish bo‘yicha kompleks choralar ko‘riladi”, — deyiladi bosh prokuror murojaatida.
Izoh (0)