Ўзбекистонда сўнгги уч йилда кибержиноятжиноятлар қарийб 25 баробар ошиб, фуқароларнинг катта миқдордаги пуллари онлайн тарзда ўғирланган. Бу ҳақда бош прокурор Ниғматилла Йўлдошевнинг мамлакат аҳолисига мурожаатида маълум қилинган.
![](/static/2023/08/23/nigora_aliyeva/photo_2021-04-04_12-15-19.jpg)
“Янги Ўзбекистон” нашрида эълон қилинган мурожаатномада қайд этилишича, бундай жиноятларнинг олдини олиш учун профилактик чора-тадбирлар билан бир қаторда уларни фош этиш бўйича қатор ташкилий-техник тадбирлар амалга оширилмоқда. Хусусан, Ҳуқуқни муҳофаза қилиш академиясида айнан шу йўналишда ўқитиладиган ҳамда илмий-тадқиқот ишлари олиб бориладиган махсус кафедра, илмий-услубий марказ ва ўқув лабораторияси ташкил этилди. Қисқа муддатда ҳуқуқни муҳофаза қилувчи органларнинг кўплаб ходимлари ўқитилди.
“Келгусида бундай тадбирларни янада кучайтириб, норматив-ҳуқуқий ҳужжатлардаги бўшлиқларни бартараф этиш, фуқароларимизни кибер таҳдидлардан ҳимоя қилиш, мазкур соҳага замонавий дастурий-техник ечимларни ва янгича иш усулларини жорий этиш бўйича комплекс чоралар кўрилади”, — дейилади бош прокурор мурожаатида.
Изоҳ (0)