Yuqori o‘nlikda uchta bank: O‘zbekistondagi davlat tashkilotlarining kiberxavfsizlik reytingi e’lon qilindi

“Kiberxavfsizlik markazi” davlat va xo‘jalik boshqaruvi, hamda mahalliy davlat hokimiyati organlarida axborot va kiberxavfsizlikning ta’minlanganligi holati 2022-yil 4-choragi yakuniy natijalari bo‘yicha reyting baholash o‘tkazildi.

Qayd etilishicha, baholash “Kiberxavfsizlik markazi”ning axborot va kiberxavfsizlik monitoringi tizimidagi tashkilotlar tomonidan taqdim etilgan ma’lumotlarga asoslangan.

Axborot va kiberxavfsizlikning ta’minlanganligi holati bo‘yicha reytingning yuqori o‘nligidan quyidagi tashkilotlar joy oldi:

1. O‘zbekiston Markaziy banki — 99 ball;
2. “O‘zsanoatqurilishbank” — 98,7 ball;
3. O‘zbekiston Adliya vazirligi — 97,9 ball;
4. “Mikrokreditbank” — 97,9 ball;
5. O‘zbekiston Davlat bojxona qo‘mitasi — 96,7 ball; 
6. “Asakabank” — 95,6 ball;
7. O‘zbekiston Davlat soliq qo‘mitasi — 95,4 ball;
8. O‘zbekiston Respublikasi statistika qo‘mitasi — 95,3 ball;
9. Navoiy kon-metallurgiya kombinati — 95 ball;
10. O‘zbekiston Davlat aktivlarini boshqarish agentligi — 94.2 ball.