O‘zbekiston Kubogi. “OKMK” 6 ta gol urilgan o‘yinda “Xorazm”dan ustun keldi, “Navbahor” esa “Surxon”ni ishonchli hisobda mag‘lub etdi

Futbol bo‘yicha O‘zbekiston Kubogi chorak finalidan o‘rin olgan ikki o‘yin 3-sentabr, yakshanba kuni bo‘lib o‘tdi.

“OKMK” “Xorazm”ga qarshi bahs olib bordi va 4:2 hisobida zafar quchdi. Olmaliqliklar safida Siyavash Haqnazari dubl qayd etgan bo‘lsa, Mirjahon Murahmadov va Ruben Sanches bittadan gol muallifiga aylandi. Xorazmliklar tarkibida Mbanve Neville Tengeg dublni o‘z hisobiga yozdirib qo‘ydi.

“Navbahor” esa “Surxon” bilan kurash olib bordi. Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa namanganliklar penalti ishladi. 69-daqiqada ushbu penaltini Toma Tabatadze aniq amalga oshirdi. O‘yin so‘ngida esa Tabatadze yana bitta gol urdi va jamoasiga g‘alaba keltirdi.

Shu tariqa “OKMK” va “Navbahor” O‘zbekiston Kubogi yarim finaliga yo‘l oldi. 

Avvalroq Samarqandning “Dinamo” va Qarshining “Nasaf” jamoalari avvalroq yarim final yo‘llanmasini qo‘lga kiritgandi. 

O‘zbekiston Kubogi

3-sentabr, yakshanba

“OKMK” – “Xorazm” 4:2

Gollar: 1:0 — 13 Siyavash Haqnazari, 2:0 — 33 Siyavash Haqnazari, 3:0 — 39 Mirjahon Mirahmadov, 3:1 — 85 Mbanve Neville Tengeg, 4:1 — 87 Ruben Sanches, 4:2 — 90+1 Mbanve Neville Tengeg.

“OKMK”: 1. Botirali Ergashev, 7. Dilshodbek Ahmadaliyev, 20. Islom To‘xtaxo‘jayev, 5. Anzur Ismoilov, 22. Shohruh Gadoyev, 8. Abdulla Abdullayev, 88. Siyavash Haqnazari, 4. Mirjamol Qosimov, 17. Sanjar Tursunov, 14. Mirjahon Mirahmadov, 10. Xurshid G‘iyosov.

“Xorazm”: 12. Umidjon Hamroyev, 3. Ravshanbek Sultonov, 6. Jasur Jumayev, 9. To‘lqin Ergashev, 10. Dadaxon Yusupov, 17. Hayotjon Shodmonov, 21. Jahongir Ahmadov, 22. Azizbek Bahromov, 23. Mbanve Neville Tengeg, 25. Sheroz Jalolov, 88. Abror Xusinov.

“Navbahor” – “Surxon” 2:0

Gol: 1:0 — 69 Toma Tabatadze, 2:0 — 90+7 Toma Tabatadze.

“Navbahor”: 1. O‘tkir Yusupov, 5. Milosh Milovich, 6. Ibrohim Yo‘ldoshev, 7. Oston O‘runov, 10. Jamshid Iskanderov, 14. Jamshid Boltaboyev, 21. Temurxo‘ja Abduxoliqov, 22. Igor Golban, 23. Yovan Jokich, 24. Davronbek Hoshimov, 91. Toma Tabatadze.

“Surxon”: 1. Artyom Potapov, 66. Behruz Shaydulov, 3. Sunnatulloh Hamidjonov, 6. Artyom Sokol, 55. Shohjahon Sultonmurodov, 8. Humoyun Sherbo‘tayev, 25. Behzod Shamsiyev, 2. Bobur Asqarov, 10. Tamirlan Jamalutdinov, 27. Asilbek Jumayev, 18. Silvanus Nimeli.