PFA talqiniga ko‘ra Premyer Ligada mavsumning eng yaxshi futbolchisi aniqlandi

“Manchester Siti” futbolchisi Erling Holand Angliya professional futbolchilar assotsiatsiyasi (PFA) APLda 2022/23-yilgi mavsumning eng yaxshi futbolchisi deb topildi.

 

 

Norvegiyalik hujumchi sovrin uchun kurashda Kevin de Bryuyne (“Manchester Siti”), Harri Keyn (“Tottenhem”), Martin Edegor, Bukayo Saka (ikkalasi ham “Arsenal”) va Markus Reshfordlarni (“Manchester Yunayted”) ortda qoldirdi. 

O‘tgan mavsumda Holand Premyer Ligada 35 ta o‘yinda ishtirok etib, 36 ta gol va 8 ta golli uzatmaga mualliflik qildi. 

 

 

Ortda qolgan mavsumning eng yaxshi yosh futbolchisi sovrini esa “Arsenal” futbolchisi Bukayo Sakaga nasib etdi.

Bukayodan tashqari ushbu sovrin uchun Gabriel Martinelli (“Arsenal”), Erling Holand (“Manchester Siti”), Jeykob Remzi (“Aston Villa”), Evan Fergyuson (“Brayton”) hamda Moyzes Kaysedo (“Chelsi”) kurash olib bordi.

21 yoshli Saka “kanonirlar” tarkibida 38 ta o‘yin o‘tkazib, 14 ta gol va 11 ta assistni o‘z hisobiga yozdirib qo‘ygandi.