PFA талқинига кўра Премьер Лигада мавсумнинг энг яхши футболчиси аниқланди 

“Манчестер Сити” футболчиси Эрлинг Ҳоланд Англия профессионал футболчилар ассоциацияси (PFA) АПЛда 2022/23 йилги мавсумнинг энг яхши футболчиси деб топилди.

 

 

Норвегиялик ҳужумчи соврин учун курашда Кевин де Брюйне (“Манчестер Сити”), Ҳарри Кейн (“Тоттенҳэм”), Мартин Эдегор, Букайо Сака (иккаласи ҳам “Арсенал”) ва Маркус Рэшфордларни (“Манчестер Юнайтед”) ортда қолдирди. 

Ўтган мавсумда Ҳоланд Премьер Лигада 35 та ўйинда иштирок этиб, 36 та гол ва 8 та голли узатмага муаллифлик қилди. 

 

 

Ортда қолган мавсумнинг энг яхши ёш футболчиси соврини эса “Арсенал” футболчиси Букайо Сакага насиб этди.

Букайодан ташқари ушбу соврин учун Габриэль Мартинелли (“Арсенал”), Эрлинг Ҳоланд (“Манчестер Сити”), Жейкоб Ремзи (“Астон Вилла”), Эван Фергюсон (“Брайтон”) ҳамда Мойзес Кайседо (“Челси”) кураш олиб борди.

21 ёшли Сака “канонирлар” таркибида 38 та ўйин ўтказиб, 14 та гол ва 11 та ассистни ўз ҳисобига ёздириб қўйганди.