Ko‘plab tomoshabinlar ushbu ro‘yxatdagi aktyorlarning ismini emas, ijro etgan roli orqali eslab qolgan. Ular “Oskar” mukofotini qo‘lga kiritdi, mashhur bo‘ldi va keyinchalik karyerasi muvaffaqiyatsizlikka uchradi.
Roberto Benigni
Aktyor 1998-yilda “Hayot go‘zal” filmi uchun birdaniga ikkita: “Eng yaxshi chet tilidagi film” va “Eng yaxshi aktyor” nominatsiyasida “Oskar” mukofotini qo‘lga kiritdi. Uning keyingi faoliyati bunday e’tiborning o‘ndan bir qismini ham jalb qilmadi.
Edrian Broudi
2002-yilda aktyor Roman Polanskining “Pianinochi” filmida rol o‘ynadi va “Oskar” mukofotini qo‘lga kiritdi. U Parijda Vudi Allenning “Parijdagi tushlik” filmida rol o‘ynadi, ammo bu unga avvalgi shon-shuhratini qaytarishga yordam bermadi.
Vupi Goldberg
Vupi Goldberg 1990-yilda “Ruh” filmida bosh rolni ijro etdi va “Oskar” mukofotining “Ikkinchi plandagi eng yaxshi aktrisa” nominatsiyasida g‘olib bo‘ldi, shundan keyin aktrisa ijro etgan rollarning hech biri bu qadar muvaffaqiyatga erishmadi.
Salli Fild
Aktrisa 1980-yilda suratga olingan “Norma Rey”, 1985-yilda taqdim etilgan “Yurakdagi joy” filmidagi rollari uchun “Oskar” mukofotini qo‘lga kiritdi. Shundan so‘ng aktrisa ko‘plab filmlarda rol o‘ynadi, ammo katta muvaffaqiyatlarga erisha olmadi.
Mersedes Ruel
U “Baliqchi qirol” filmidagi roli uchun “Ikkinchi plandagi eng yaxshi aktrisa” nominatsiyasida “Oskar” mukofotini qo‘lga kiritdi. Uning ijrosidagi keyingi loyihalar unchalik mashhurlikka erisha olmadi.
Myurrey Abraham
Aktyor “Amadey” (1984-yil) filmidagi mashhur Salyeri roli uchun “Oskar” mukofotiga sazovor bo‘ldi. Aktyor shundan keyin ko‘plab filmlarda suratga tushdi, u ijro etgan rollarning aksariyati epizodik rollar edi.
Xolli Hanter
Xolli Hanter “Pianino” (1993-yil) filmida roli uchun “Oskar”ni qo‘lga kiritdi va shundan so‘ng uning karyerasi katta tajribaga ega bo‘lishiga qaramay, pasayib ketdi.
Kim Beysinger
Aktrisa 1997-yilda “Los-Anjeles sirlari” filmidagi roli uchun “Oskar” mukofoti bilan taqdirlandi. Keyinchalik u ijro etgan rollar mashhurlikka erishmadi. Kim “Kulrangning ellik soyasi” va boshqa o‘nlab loyihalarda epizodik rollarni ijro etdi.
Mira Sorvino
“Buyuk Afrodita” (1995-yil) filmidagi roli uchun aktrisa “Oskar” berildi. Keyinchalik aktrisa ijro etgan rollar muvaffaqiyatli chiqmadi.
Izoh (0)