AKFA BUILD eksport geografiyasini kengaytirmoqda. Bu safar u Qozog‘istonga yo‘l oldi

O‘zbekiston va Qozog‘istonni azaliy do‘stlik rishtalari, qardoshlik munosabatlari, iqtisodiy manfaatlar bog‘lab turadi. Ikki mamlakat ishbilarmon doiralarining maqsadi ham o‘zaro manfaatli sheriklikni mustahkamlashdir.

Jug‘rofiy va iqtisodiy omillar, jadal rivojlanayotgan respublika ahamiyatiga molik Chimkent shahrining yuqori sifatli sanoat mahsulotlari va qurilish materiallariga bo‘lgan talabi AKFA BUILD multibrendli shou-rumining ochilishiga zamin yaratdi.

Bu kompaniyaning Qozog‘iston Respublikasidagi birinchi xorijiy taqdimot maydoni. Unda SHIVAKI iqlim tizimlari, Osten liftlari va eskalatorlari, bazalt issiqlik izolatsiyasi materiallari, PIR sendvich va HPL panellari, LEO suv nasoslari va nasos stansiyalari, Uz Copper mis mahsulotlari, smart gaz hisoblagichlari va GTP, muzlatish konteynerlari va maydonlari uchun SHIVAKI Frigo Cool tizimlari, metall konstruksiyalar, LIDER Line panelli radiatorlari va ROYAL quyosh suv isitgichlari kabi elektrotexnika sanoati mahsulotlari, qurilish materiallari va maishiy texnika taqdim etilgan.

Ochilish marosimida Otau Group holdingi prezidenti Qayrat Moldaseitov taʼkidlaganidek: “O‘zbekiston va Qozog‘iston ulkan iqtisodiy salohiyatga ega qardosh davlatlardir. Birinchi AKFA BUILD shou-rumining ochilishi esa uning rivojlanishi va mustahkamlanishi uchun muhim qadamdir. Biz allaqachon ushbu kompaniyaning mahsulotlaridan foydalanamiz va aytishim mumkinki, ular bizning taxminlarimizga to‘liq mos keladi.

Uning mahsulotlari yuqori sifatli, ishonchli, innovatsion ko‘rsatkichlari bo‘yicha taniqli jahon brendlaridan qolishmaydi. Ishonchimiz komilki, hamkorligimiz o‘zaro manfaatli bo‘lib, ikki davlat iqtisodiyotiga o‘z hissasini qo‘shadi”.

Tadbir Chimkent shahri ishbilarmon doiralari va ommaviy axborot vositalari vakillarida katta qiziqish uyg‘otdi va shov-shuvga sabab bo‘ldi. Ishtirokchilarga AKFA BUILD kompaniyasining ishlab chiqarish salohiyati, to‘liq mahsulot turlari va istiqboldagi rejalar haqida batafsil maʼlumot berildi. Eksport bozorini innovatsion yechimlar va yuqori texnologiyali uskunalar bilan qamrab olishni kengaytirish shular jumlasidandir.

Ochilish marosimidan so‘ng mehmonlar AKFA BUILD shou-rumining mahsulotlar assortimenti bilan tanishtirildi. Taʼkidlash joizki, shaharning infratuzilmasi va ijtimoiy obyektlari, jumladan, Chimkent City, xususiy maktab va boshqalarda AKFA BUILD rasmiy distribyutori tomonidan qozog‘istonlik hamkorlarga taqdim etilgan sovutish va isitish tizimlari, liftlar o‘rnatilib, foydalanilmoqda.

AKFA BUILD – o‘z loyihasining har bir detalida mukammallikka intilayotgan va uni eng ilg‘or asbob-uskunalar va texnologiyalar bilan taʼminlamoqchi bo‘lganlar uchun ishonchli hamkor.

AKFA BUILD vakillari har doim eng yaxshi yechimlar va professional maslahatlarni taqdim etishga tayyor.

Sizni Chimkent shahri, Baydibek shohko‘chasi, 116 k7 manzilida kutamiz.

+ 7 775 832 78 18

+7 702 175 46 41

Reklama huquqi asosida.