AKFA BUILD экспорт географиясини кенгайтирмоқда. Бу сафар у Қозоғистонга йўл олди

Ўзбекистон ва Қозоғистонни азалий дўстлик ришталари, қардошлик муносабатлари, иқтисодий манфаатлар боғлаб туради. Икки мамлакат ишбилармон доираларининг мақсади ҳам ўзаро манфаатли шерикликни мустаҳкамлашдир.

Жуғрофий ва иқтисодий омиллар, жадал ривожланаётган республика аҳамиятига молик Чимкент шаҳрининг юқори сифатли саноат маҳсулотлари ва қурилиш материалларига бўлган талаби AKFA BUILD мултибрендли шоу-румининг очилишига замин яратди.

Бу компаниянинг Қозоғистон Республикасидаги биринчи хорижий тақдимот майдони. Унда SHIVAKI иқлим тизимлари, Остен лифтлари ва эскалаторлари, базалт иссиқлик изолацияси материаллари, PIR сендвич ва HPL панеллари, LEO сув насослари ва насос станциялари, Uz Cоpper мис маҳсулотлари, смарт газ ҳисоблагичлари ва GTP, музлатиш контейнерлари ва майдонлари учун SHIVAKI FRIGO COOL тизимлари, металл конструкциялар, LIDER Line панелли радиаторлари ва ROYAL қуёш сув иситгичлари каби электротехника саноати маҳсулотлари, қурилиш материаллари ва маиший техника тақдим этилган.

Очилиш маросимида Оtay Group ҳолдинги президенти Қайрат Молдасеитов таъкидлаганидек: “Ўзбекистон ва Қозоғистон улкан иқтисодий салоҳиятга эга қардош давлатлардир. Биринчи AKFA BUILD шоу-румининг очилиши эса унинг ривожланиши ва мустаҳкамланиши учун муҳим қадамдир. Биз аллақачон ушбу компаниянинг маҳсулотларидан фойдаланамиз ва айтишим мумкинки, улар бизнинг тахминларимизга тўлиқ мос келади.

Унинг маҳсулотлари юқори сифатли, ишончли, инновацион кўрсаткичлари бўйича таниқли жаҳон брендларидан қолишмайди. Ишончимиз комилки, ҳамкорлигимиз ўзаро манфаатли бўлиб, икки давлат иқтисодиётига ўз ҳиссасини қўшади”.

Тадбир Чимкент шаҳри ишбилармон доиралари ва оммавий ахборот воситалари вакилларида катта қизиқиш уйғотди ва шов-шувга сабаб бўлди. Иштирокчиларга AKFA BUILD компаниясининг ишлаб чиқариш салоҳияти, тўлиқ маҳсулот турлари ва истиқболдаги режалар ҳақида батафсил маълумот берилди. Экспорт бозорини инновацион ечимлар ва юқори технологияли ускуналар билан қамраб олишни кенгайтириш шулар жумласидандир.

Очилиш маросимидан сўнг меҳмонлар AKFA BUILD шоу-румининг маҳсулотлар ассортименти билан таништирилди. Таъкидлаш жоизки, шаҳарнинг инфратузилмаси ва ижтимоий объектлари, жумладан, Чимкент City, хусусий мактаб ва бошқаларда AKFA BUILD расмий дистрибютори томонидан қозоғистонлик ҳамкорларга тақдим этилган совутиш ва иситиш тизимлари, лифтлар ўрнатилиб, фойдаланилмоқда.

AKFA BUILD – ўз лойиҳасининг ҳар бир деталида мукаммалликка интилаётган ва уни энг илғор асбоб-ускуналар ва технологиялар билан таъминламоқчи бўлганлар учун ишончли ҳамкор.

AKFA BUILD вакиллари ҳар доим энг яхши ечимлар ва профессионал маслаҳатларни тақдим этишга тайёр.

Сизни Чимкент шаҳри, Байдибек шоҳкўчаси, 116 к7 манзилида кутамиз.

+ 7 775 832 78 18

+7 702 175 46 41

Реклама ҳуқуқи асосида.