AQSH prezidenti Jo Bayden payshanba kuni AQSH Rossiyaga qarshi yangi sanksiyalar e’lon qilganini aytdi. Bu haqda Oq uy saytida chop etilgan bayonotda ma’lum qilindi.
“Bugun biz majburiy ko‘chirish va deportatsiyalar uchun aybdorlarni javobgarlikka tortish va ukrainalik bolalarni oilalariga qaytarishni talab qilish uchun yangi sanksiyalarni eʼlon qildik”, — deyiladi bayonotda.
Shu bilan birga, Oq uy saytidagi bayonotda sanksiyalar tafsilotlari keltirilmagan.
Bundan tashqari, Bayden Ukrainani Mustaqillik kuni bilan tabrikladi va AQSH Kiyevga zarur yordamni ko‘rsatishda davom etishini aytdi.
AQSH Moliya vazirligi 20-iyul kuni Qirg‘izistonning to‘rtta kompaniyasiga qarshi sanksiyalar e’lon qilgandi. Qayd etilishicha, ushbu kompaniyalar orqali Rossiya G‘arb davlatlari tomonidan kiritilgan cheklovlarni chetlab o‘tib, ikki maqsadli tovarlar va texnologiyalarni olgan.
Izoh (0)