“Dushmanimning dushmani — do‘stim”. Prigojin o‘limi Ukraina uchun yomon xabar — Bild

“Vagner” xususiy harbiy kampaniyasi rahbari Yevgeniy Prigojinning o‘limi Ukraina uchun yomon xabar. Bu haqda Bild xabar berdi.

Nashr bosh muharriri o‘rinbosari Paul Rontsxaymer tegishli fikrni ilgari surdi. U Kiyevdan turib Prigojin samolyotining halokatiga munosabat bildirdi. Jumladan, Rontsxaymer “Ukrainadagi odamlar uning o‘limidan xursand bo‘lishgani”ni aytdi. 

Rasmiy tarzda Prigojinning aviahalokatda halok bo‘lgani tasdiqlanmagan. “Rosaviatsiya” u samolyotda bo‘lganini ma’lum qilgan. Bortdagi hamma yo‘lovchi va ekipaj a’zolari halok bo‘lgan.

Jurnalist Rontsxaymer Prigojin Baxmutdagi minglab ukrainalik askarlarning o‘limi, shuningdek, ko‘plab harbiy jinoyatlar va qiynoqlar uchun javobgar ekanini eslatdi.

Boshqa tomondan, Rontsxaymerning so‘zlariga ko‘ra, kamida so‘nggi ikki oy davomida Prigojin Rossiya hukumati uchun beqarorlik omili bo‘lib kelgan va uning harakatlari “dushmanimning dushmani — do‘stim” prinsipi asosida Ukraina uchun foydali bo‘lgan.

“O‘ylaymanki, agar Prigojin haqiqatan ham o‘lgan bo‘lsa, u Putin uchun barqarorlashtiruvchi omil edi va shu sababli Ukraina uchun bu yaxshi yangilik emas. Bu AQSH va Germaniya uchun ham signaldir. Diktator uni mag‘lub etib va o‘rnini egallab bo‘lmasligini tushuntirmoqchi”, — deydi Bild jurnalisti.