Meyson Grinvud Saudiya Arabistoni klublariga o‘tmaydi.
The Sun nashrining xabar berishicha, “Manchester Yunayted” jinsiy zo‘ravonlikda ayblangan futbolchi bilan shartnomani bekor qilganidan so‘ng, “Al-Ittifoq” va yana bir qancha yaqin sharq klublari, shuningdek, “Roma” hamda “Galatasaroy” qiziqish bildirgan.
“Al-Ittifoq” bosh murabbiyi Stiven Jerrard o‘z Instagram sahifasida klubning Grinvudga qiziqayotganini “yolg‘on xabar” deya atadi.
Saudiya Arabistoni ligasi turnir imijini yomon ta’sir ko‘rsatmaslik uchun mahalliy klublarning hech biriga Meyson bilan shartnoma imzolashiga ruxsat bermaydi, deb xabar beradi Talksport.
Eslatib o‘tamiz, Grinvud jinsiy zo‘ravonlik, o‘lim bilan tahdid qilishda gumon qilingan. 2022-yil 2-fevralda u garov evaziga ozod qilingandi. Iyun oyida esa garov evaziga ozod qilish muddati uzaytirilgandi.
2022-yil oktabr oyida Grinvud uni jinsiy zo‘ravonlikda ayblagan qiz bilan aloqaga chiqqani uchun yana hibsga olingan.
2023-yilning fevral oyida Manchester politsiyasi Grinvuddan barcha ayblar olib tashlanganini ma’lum qildi.
“Manchester Yunayted” esa futbolchi borasida rasmiy bayonot berib, futbolchi bilan ortiq hamkorlik qilmasligini e’lon qilgandi.
Angliyalik futbolchi so‘nggi bor 2022-yil yanvar oyida maydonga tushgan edi.
Izoh (0)