Мэйсон Гринвуд Саудия Арабистони клубларига ўтмайди.
The Sun нашрининг хабар беришича, “Манчестер Юнайтед” жинсий зўравонликда айбланган футболчи билан шартномани бекор қилганидан сўнг, “Ал-Иттифоқ” ва яна бир қанча яқин шарқ клублари, шунингдек, “Рома” ҳамда “Галатасарой” қизиқиш билдирган.
“Ал-Иттифоқ” бош мураббийи Стивен Жеррард ўз Instagram саҳифасида клубнинг Гринвудга қизиқаётганини “ёлғон хабар” дея атади.
Саудия Арабистони лигаси турнир имижини ёмон таъсир кўрсатмаслик учун маҳаллий клубларнинг ҳеч бирига Мэйсон билан шартнома имзолашига рухсат бермайди, деб хабар беради Talksport
Эслатиб ўтамиз, Гринвуд жинсий зўравонлик, ўлим билан таҳдид қилишда гумон қилинган. 2022 йил 2 февралда у гаров эвазига озод қилинганди. Июнь ойида эса гаров эвазига озод қилиш муддати узайтирилганди.
2022 йил октябрь ойида Гринвуд уни жинсий зўравонликда айблаган қиз билан алоқага чиққани учун яна ҳибсга олинган.
2023 йилнинг февраль ойида Манчестер полицияси Гринвуддан барча айблар олиб ташланганини маълум қилди.
“Манчестер Юнайтед” эса футболчи борасида расмий баёнот бериб, футболчи билан ортиқ ҳамкорлик қилмаслигини эълон қилганди.
Англиялик футболчи сўнгги бор 2022 йил январь ойида майдонга тушган эди.
Изоҳ (0)