O‘zbekiston avtomobil bozori jadal rivojlanmoqda: yangi o‘yinchilar, yangi brendlar va modellar paydo bo‘lmoqda. Tez rivojlanayotgan brendlardan biri bu Janubiy Koreyaning Kia brendidir. Kia avtomobillari MDH mamlakatlari bozorida yaxshi tanilgan bo‘lib, mamlakatimizda ham barqaror talabga ega.
Yaqinda Kiaʼning rasmiy distribyutori bo‘lgan Roodell kompaniyasi, o‘zbekistonlik isteʼmolchilar uchun texnik tavsiflari va narx siyosati bo‘yicha eng jozibador bo‘lgan Kia mahsulotini aniqlashga qaratilgan Car Clinic tadqiqot loyihasida ishtirok etdi. Bu brendning O‘zbekiston bozorida muvaffaqiyatli pozitsiyalanishi uchun muhim qadamdir.
Car Clinic – O‘zbekiston bozoridagi potentsial avtomobil xaridorlari o‘rtasida fokus-guruhlar so‘rovnomalarini o‘tkazuvchi tadqiqot loyihasidir. Ushbu tadqiqot mijozlarning ehtiyojlari va umidlarini chuqurroq tushunish imkonini beradi va yangi modellarning qaysi asosiy xususiyatlari isteʼmolchilar uchun eng jozibali ekanligini aniqlash imkonini yaratadi. Shuningdek, mazkur avtomobilni sotib olayotganda isteʼmolchi uchun qaysi omillar va mezonlar muhimligi haqida maʼlumot olish muhimdir.
Car Clinic’ning tadqiqot usuli bozorda distribyutorlikka ega avtomobil ishlab chiqaruvchilari uchun standart bo‘lib, kompaniyalarga o‘z mahsulotlarini mahalliy sharoit va talablarga moslashtirish imkonini beradi, bu esa mahsulotni bozorda muvaffaqiyatli pozitsiyalanishini taʼminlaydi. Olingan maʼlumotlar O‘zbekiston bozorida avtomobillarning raqobatbardoshligini oshirish va isteʼmolchilarning xohish-istaklarini qondirishga ham imkon beradi.
.jpg)
Aniqlashimizcha, gap bu safar, sotuvlarining boshlanishi 2024-yilning birinchi yoki ikkinchi choragida rejalashtirilgan yangi Kia’ning yangi modeli haqida ketmoqda. Yangi model ixcham krossover bo‘lib, respondentlarning fikriga ko‘ra, bizning bozorda yaxshi talabga ega bo‘ladi.
Rasmiy distribyutor vakillari bu haqda izoh berishdan bosh tortdilar, biroq brend o‘zbekistonlik isteʼmolchilarni xushnud etishda davom etishini aytib, yangiliklarni kuzatib borishni tavsiya qildilar.
Taʼkidlash joizki, brend mamlakatimiz bozorida o‘z o‘rnini jadal ravishda egallab bormoqda, masalan, 2023-yilning yanvaridan iyunigacha bo‘lgan davrda, Kia avtomobillarining sotuvlari 7 mingdan ortiq avtomobilni tashkil etdi va O‘zbekistonda brend uchun tarixiy maksimum darajaga yetdi.
Kompaniya O‘zbekistonda o‘zining dilerlik tarmog‘ini faol rivojlantirib, mijozlarga sifatli xizmat ko‘rsatish va keng turdagi modellar qatorini taqdim etmoqda. Bundan tashqari, Kia brendi mijozlarni qondirish siyosatiga rioya qiladi va o‘z avtomobillari uchun turli moliyalashtirish va kafolat dasturlarini taklif etadi.
Kia avtomobillariga O‘zbekistonda talabning ortib borayotgani isteʼmolchilarning ushbu brendga va mahsulot sifatiga bo‘lgan ishonchidan dalolat beradi. Janubiy Koreyaning avtomobil ishlab chiqaruvchisi, xaridorlarning talablari va ehtiyojlaridan kelib chiqib rivojlanish va yangi modellarni taklif etishda davom etmoqda. Shu bilan birga, O‘zbekiston avtosanoat bozoridagi raqobat yuqoriligicha qolmoqda va Kia bozordagi o‘z ulushi uchun kurashni davom ettirmoqda.
Telefon: 1333
Reklama huquqi asosida.
Izoh (0)