Hozirgi kunda o‘quvchilarda kasb-hunarga qiziqish uyg‘otish, muayyan ko‘nikma va malaka paydo qilish, ular qobiliyatini to‘g‘ri yo‘naltirish va kashf etish, bo‘sh vaqtini mazmunli va foydali o‘tkazishda maktabgacha va maktab ta’limi tizimidagi “Barkamol avlod” maktablarining ham o‘rni beqiyos.
Bugungi kunda joylarda 219 ta “Barkamol avlod” bolalar maktablari faoliyat ko‘rsatmoqda.
Ushbu maktablarning asosiy vazifasi o‘quvchilarni maktabdan bo‘sh vaqtlarini 79 turdagi to‘garaklarga jalb qilgan holda mustaqil, o‘zining qat’iy pozitsiyasiga ega bo‘lgan, kasb-hunarning boshlang‘ich sirlarini egallagan, mehnat bozorida o‘z o‘rnini topishlariga ko‘maklashishdan iborat.
Eng asosiysi bolalar ushbu maktablarda hunarmandchilikdan tortib, robototexnikagacha, madaniyatdan tortib, sportgacha, Oliy ta’limga tayyorlovdan tortib, xorijiy tillargacha mustahkam bilim va ko‘nikmalarni egallamoqda.
Shayhontohur tumani “Barkamol avlod” bolalar maktabi PQ-4467 sonli qaoriga asosan ta’mirlanib, moddiy texnik bazasi yangi innovatsion texnologiyalar bilan to‘liq jihozlangan. Maktabda bugungi kunda 7 xil yo‘nalish mavjud. Hozirda maktab 1500 o‘quvchi yoshlarni o‘zida qabul qilgan.
Izoh (0)