Prezident farmoni bilan Sardor Umrzoqov O‘zbekiston Prezidentining maxsus topshiriqlar bo‘yicha maslahatchisi lavozimiga tayinlandi.
Davlat rahbari matbuot kotibining xabar qilishicha, shu munosabat bilan u O‘zbekiston Respublikasi Prezidenti Administratsiyasi rahbari lavozimidan ozod etildi.
Sardor Umurzoqov O‘zbekiston Prezidenti Administratsiyasi rahbari lavozimida 2022-yilning iyulidan buyon ishlab kelayotgandi.
Undan avval, 2019-yil 28-yanvardan bosh vazirning investitsiyalar va tashqi iqtisodiy masalalar bo‘yicha o‘rinbosari — investitsiyalar va tashqi savdo vaziri lavozimida faoliyat yuritgan.
Sardor Umurzoqov (1977-yilda tug‘ilgan) Toshkent davlat iqtisodiyot universiteti va Reding universiteti (Buyuk Britaniya) magistraturasini tamomlagan, hozirda fan doktori ilmiy darajasiga (PhD) ega. Sardor Umurzoqov uzoq muddat O‘zbekiston bank sohasida, Yevropa tiklanish va taraqqiyot bankida (London, Buyuk Britaniya) hamda respublika moliya tizimida, xususan Moliya vazirligi G‘aznachiligida rahbarlik lavozimlarida faoliyat yuritgan.
2014—2017-yillarda “O‘zbekcharmpoyabzal” uyushmasi raisining maslahatchisi, 2017—2018-yillarda ushbu uyushmaning boshqaruv raisi o‘rinbosari bo‘lib ishlagan. 2018—2019-yillarda “O‘zbekcharmpoyabzal” uyushmasi qayta tashkil etilishi natijasida yangidan tuzilgan “O‘zcharmsanoat” uyushmasining raisi lavozimida faoliyat yuritgan.
Izoh (1)
Men xorazmdanman bizada gaz zaprapkalar cheklov bilan ishlayapdi.soat 2_3gacha ishlayapdi nima keragi bor xalqni aldab cheklov qoyilmadi deb xali xozir shunaqa qishda qanaqa boladi undan kora zaprapkalarni yopib tashlash kerak.shavkat mirziyoyev hukumat tepasiga kelgan dan buyon ozbekiston orqga ketyapdi.tugri ozgarishlar ham bor lekin faqat boylarga bizgq oxahagan xalqa minus bolyapdi.shu borishi bolsa xalq bosh kotarsa ham ajab emas.mana xozir ham jaslik posolkada zaprapkada otiribman