Ҳозирги кунда ўқувчиларда касб-ҳунарга қизиқиш уйғотиш, муайян кўникма ва малака пайдо қилиш, улар қобилиятини тўғри йўналтириш ва кашф этиш, бўш вақтини мазмунли ва фойдали ўтказишда мактабгача ва мактаб таълими тизимидаги “Баркамол авлод” мактабларининг ҳам ўрни беқиёс.
Бугунги кунда жойларда 219 та “Баркамол авлод” болалар мактаблари фаолият кўрсатмоқда.
Ушбу мактабларнинг асосий вазифаси ўқувчиларни мактабдан бўш вақтларини 79 турдаги тўгаракларга жалб қилган ҳолда мустақил, ўзининг қатъий позициясига эга бўлган, касб-ҳунарнинг бошланғич сирларини эгаллаган, меҳнат бозорида ўз ўрнини топишларига кўмаклашишдан иборат.
Энг асосийси болалар ушбу мактабларда ҳунармандчиликдан тортиб, робототехникагача, маданиятдан тортиб, спортгача, Олий таълимга тайёрловдан тортиб, хорижий тилларгача мустаҳкам билим ва кўникмаларни эгалламоқда.
Шайҳонтоҳур тумани “Баркамол авлод” болалар мактаби ПҚ-4467 сонли қаорига асосан таъмирланиб, моддий техник базаси янги инновацион технологиялар билан тўлиқ жиҳозланган. Мактабда бугунги кунда 7 хил йўналиш мавжуд. Ҳозирда мактаб 1500 ўқувчи ёшларни ўзида қабул қилган.
Изоҳ (0)