Bugun KXDR va Janubiy Koreyada Koreyaning yapon bosqinidan ozod qilinganining 78 yilligi nishonlanmoqda.
Janubiy Koreya prezidenti Yun Sok Yol tantanali nutqida yadro qurolidan voz kechish evaziga KXDRga gumanitar yordam ko‘rsatish tashabbusini yana bir bor ilgari surdi.
Yun Sok Yolning aytishicha, KXDR tomonidan yadroviy raketa tahdidini bartaraf etish uchun Janubiy Koreya, Yaponiya va AQSH o‘rtasida real vaqt rejimida ma’lumotlar almashinuvi zarur.
“Biz tinchlikni jasoratli ulkan kuchlar asosida quramiz. Biz Shimoliy Koreya hukumati o‘z xalqi hayotini yaxshilashi uchun yadroviy qurol va raketalarni emas, balki muloqot va hamkorlik yo‘lini tanlashi uchun xalqaro hamjamiyat bilan hamkorlikni davom ettiramiz”, — dedi Yun Sok Yol.
O‘tgan yili Yun Sok Yol ilk marta Shimoliy Koreyani gumanitar yordam evaziga yadro qurolidan voz kechishga chaqirgandi. Bunga javoban KXDR yetakchisining singlisi Kim Yo Chjon mamlakat bu taklifga rozi bo‘lmasligini aytgan.
Izoh (0)