Shou-biznes vakillarining nafaqat ijodi, balki hayot tarzi — qanday uyda yashashi, haydaydigan mashina modeli ham muxlislar uchun qiziq hisoblanadi. Quyida turk kinosanoati vakillari garajidan qanday mashina o‘rin olganiga to‘xtalamiz.
Chag‘lar Ertug‘rul
“Fazilatxonim qizlari” filmidagi roli bilan yaxshi tanish bo‘lgan Chag‘lar Mercedes GLA-Class mashinasini haydashni afzal biladi. “Fazilatxonim qizlari” serialini suratga olish jarayonida Mercedes haydagan aktyor uni Mariya deb atagan.
Deniz Baysal
Deniz Baysal ham Chag‘lar singari Mercedes’ning muxlisi. Aktrisa Mercedes-Benz Türkiye’ning vakili hisoblanadi.
Aras Bulut Iynemli
Aktyor kundalik uchun Ford Ranger haydashni xush ko‘rsa-da, uning mashinalar to‘plamida BMW va Mercedes’ni uchratish mumkin. “Chuqur” serialining yulduzi Aras Fiat mashinasining Turkiyadagi vakili hisoblanadi.
Elchin Sangu
“Ijara sevgi” serialida Dafna roli bilan yaxshi tanish bo‘lgan Elchin Land Rover mashinasini haydashni ma’qul ko‘radi.
Barish Arduch
Aktyor filmlarda Mercedes bilan namoyon bo‘lsa-da, hayotda Audi haydashni afzal biladi. Bundan tashqari, u Ford avtomobilining Turkiyadagi vakili hisoblanadi.
Jan Yaman
“To‘linoy” va “Tong qushi” seriallarida bosh qahramon rolini gavdalantirgani bilan yaxshi ma’lum bo‘lgan Jan Yaman garajiga nazar tashlansa, Ford, Volkswagen, Mercedes va boshqa mashinalar bor ekanini ko‘rish mumkin.
Burak Deniz
“Malikam menga qara”, “Bizning hikoya” seriallari yulduzi Burak Deniz garajida BMW mashinasining bir necha modellari borligiga guvoh bo‘lish mumkin. “Malikam menga qara” serialidagi Murod obrazida Land Rover Discovery’da namoyon bo‘lgan aktyor Turkiyaning GQ taqdirlash marosimiga qizil Volkswagen’da kelgan.
Izoh (0)