Rossiyaning zamonaviy tarixidagi birinchi Oy missiyasi Amur viloyatidagi Vostochniy kosmodromidan muvaffaqiyatli uchirildi.
11-avgust kuni Moskva vaqti bilan soat 02:10 da (Toshkent vaqti bilan 00:10) “Luna-25” avtomatik sayyoralararo stansiyasi “Soyuz-2.1b” raketa-tashuvchisi bilan va uchirildi, deb xabar bermoqda “Roskosmos”.
Bir soat o‘tgach, stansiya Oyga olib boradigan trayektoriyaga olib chiqilgan va raketa tashuvchidan ajralgan.
“Luna-25” 16-avgust kuni Oyning aylana orbitasiga kirishi, 21-avgust kuni esa sun’iy yo‘ldosh yuzasiga yumshoq qo‘nishi rejalashtirilgan.
“Luna-25” Oy stansiyasi 1976-yildan beri Rossiyaning Oyga birinchi missiyasidir — o‘sha yili “Luna-24” sovet stansiyasi uchirilgandi. Rejaga ko‘ra, “Luna-25” Oyning janubiy qutbiga qo‘ngan tarixdagi birinchi stansiya bo‘ladi. Missiyaning asosiy vazifalari yumshoq qo‘nish texnologiyalarini ishlab chiqish, ichki tuzilmani o‘rganish va Oydagi resurslarni, jumladan, suv bor-yo‘qligini o‘rganishdan iborat.
Missiya bir yil davom etishi kutilmoqda.
Navbatdagi “Luna-26” stansiyasini 2027-yilda, “Luna-27” ni 2028-yilda, “Luna-28” ni esa 2030-yildan keyin ishga tushirish rejalashtirilgan, dedi “Roskosmos” bosh direktori Yuriy Borisov.
Izoh (0)