AQSH rasmiylari Ukrainani qancha kerak bo‘lsa, shuncha qo‘llab-quvvatlay olishlariga ishonchlari komil, dedi Pentagon matbuot kotibi Patrik Rayder. Uning so‘zlariga ko‘ra, Vashington bu mavzuni Kiyev bilan, shuningdek, ittifoqchilari bilan muhokama qilishda davom etadi.
“Biz Ukrainani qancha kerak bo‘lsa, shuncha qo‘llab-quvvatlay olishimizga ishonchimiz komil”, — dedi Rayder brifingda.
Uning qo‘shimcha qilishicha, “Qo‘shma Shtatlar 6,2 milliard dollar miqdoridagi pulni o‘z zimmasiga olgan majburiyatlarni bajarishga ishlata oladi. Ushbu mablag‘lar biz uchun joriy moliyaviy yil oxirida va keyingi moliyaviy yilda mavjud bo‘ladi. Shuningdek, budjet doirasida ajratiladigan qariyb 600 million dollar ham bor”, — dedi matbuot kotibi.
Rossiya Ukraina bilan urush boshlaganidan beri AQSH ukrainlarga 113 milliard dollardan ortiq yordam ajratishni maʼqulladi.
10-avgust kuni AQSH prezidenti Jo Bayden shu maqsadda Kongressdan qo‘shimcha 13 milliard dollar so‘radi. Shu oy, Ukraina rasmiylari ham xavfsizlik kafolatlarini olish uchun AQSh bilan muzokaralarni boshladi.
Izoh (0)