AQSH prezidenti Jo Baydenning oilasi va sheriklari u vitse-prezident bo‘lgan davrda qozoq va rus tadbirkorlaridan milionlab dollar pul olgan. AQSH Vakillar palatasining nazorat qo‘mitasi raisi Jeyms Komer Baydenning xorijiy operatsiyalari haqidagi tegishli hisobotni e’lon qildi.
Hisobot 19 betlik bank yozuvlarining skrinshotlaridan iborat. Unda millionlab to‘lovlar Ukrainaning Burisma Holdings energetika kompaniyasi, rossiyalik milliarder Yelena Baturina (Moskva meri Yuriy Lujkovning bevasi) va qozog‘istonlik oligarx Kenes Rakishevdan kelgani aytiladi.
“Qo‘mita Bayden oilasining bank hisoblariga millionlab dollarlar xorijiy manbalardan, jumladan, Xitoy, Ruminiya, Qozog‘iston, Rossiya va Ukrainadan kirganini aniqladi. Baydenlar va ularning sheriklari 20 million dollardan ortiq xorijiy to‘lovlar evaziga ularga qanday xizmatlar ko‘rsatgani ochiqlanmadi”, — deyiladi xabarda.
Kongressmenning hujjatida Bayden o‘g‘lining biznes hamkorlari bilan ko‘plab telefon qo‘ng‘iroqlariga qo‘shilgani va Xanter Bayden ulardan “katta miqdorda pul” olgani aytiladi.
“Bayden vitse-prezidentligi davrida Xanter Qozog‘iston, Rossiya va Ukrainadagi oligarxlardan millionlab pul olish uchun uni brend sifatida sotgan”, — deyiladi Komer o‘z eslatmasida.
Ta’kidlanishicha, 2014-yil bahorda Bayden Baturina, Xanter, Qozog‘iston Milliy xavfsizlik qo‘mitasi (MXQ) sobiq raisi Karim Masimov va qozog‘istonlik oligarx Kenes Rakishev bilan Vashingtondagi Milan kafesida kechki ovqatda birga bo‘lgan.
Izoh (0)