Germaniya hukumati Angela Merkel kansler lavozimidan ketganidan so‘ng uning ba’zi shaxsiy xarajatlarini davlat hisobidan qoplab kelayotgani aniqlandi. Masalan, Merkelning soch turmagi va makiyaji uchun hukumat salkam 55 ming yevro sarflagani aniqlandi.
Politico’ning Tagesspiegel’ga tayanib yozishicha, Angela Merkel o‘z xarajatlarining bir qismi uchun federal hukumatdan pul olishda davom etmoqda.
Jurnalistlar qo‘lga kiritgan hujjatlarga ko‘ra, davlat hali ham Angela Merkel ishtirok etgan davlat va xususiy tadbirlarda sartaroshlar va makiyaj ustalari xizmatlari uchun haq to‘laydi.
2022-yilda bu xarajatlar 37 780 yevroni, 2023-yilning birinchi yetti oyida esa 17 200 yevroni tashkil qildi, deb yozadi Politico.
Germaniya kanselyariyasining ma’lum qilishicha, Angela Merkelning “ba’zi xarajatlarini qoplab berilishi” sobiq kanslerning “oshkora yoki oshkor etilmaydigan bo‘lishidan qat’i nazar, amaldagi rasmiy vazifalari” bilan bog‘liqdir.
Izoh (0)