Шавкат Мирзиёев амалий ташриф билан Ашхобод шаҳрига етиб борди, деб хабар беради Президент матбуот хизмати.
Аэропортда Ўзбекистон президентини туркман халқининг миллий етакчиси, Туркманистон Халқ Маслаҳати раиси Гурбангули Бердимуҳамедов кутиб олди. Олий мартабали меҳмон шарафига фахрий қоровул саф тортди.
Бугун, 4 август куни Туркманистон пойтахтида Ўзбекистон, Тожикистон ва Туркманистон президентларининг уч томонлама саммити бўлиб ўтади.
Тадбирлар давомида минтақавий кун тартибидаги долзарб масалалар кўриб чиқилади.
- Туркманистон президенти Сердар Бердимуҳамедов 2022 йил июль ойида Ўзбекистонга давлат ташриф буюрганди.
- Ўшанда у Ўзбекистон президенти Шавкат Мирзиёев ҳузурида “Кўксарой” қароргоҳининг Фахрий меҳмонлар хиёбонида дарахт эккан.
- Октябрь ойида бўлса, Ўзбекистон президенти Туркманистонга борган ва Сердар Бердимуҳамедов ҳамроҳлигида Ашхободда “Тошкент” боғининг тантанали очилиш маросимида иштирок этганди.
Изоҳ (0)