Toshkent viloyatida 2023-yilning o‘tgan olti oyi davomida OIV infeksiyasi bilan kasallangan shaxslar infeksiyani qasddan o‘zga shaxsga yuqtirish bilan bog‘liq 20 ta jinoiy holat aniqlanib, kasallik tarqalishining oldi olindi. Bu haqda viloyat IIBB axborot xizmati xabar berdi.
Xususan, Yuqori Chirchiq tumanida yashovchi 35 yoshli ikki ayol OIV kasalligi bilan ro‘yxatda turib, qonuniy ogohlantirilgan bo‘lishiga qaramay iyun oyida 35 va 53 yoshli shaxs bilan jinsiy aloqada bo‘lgani hamda bu orqali ushbu shaxslar va boshqalarning hayotini xavf ostida qoldirgan. Shaxslar protsessual ushlangan.
Shu kabi Angren shahrida yashovchi 24–43 yosh orasidagi uch nafar ayol va bir nafar erkak ham OIV kasalligi bilan ro‘yxatda turib, qonuniy ogohlantirilgan bo‘lishiga qaramay, o‘zga shaxs bilan jinsiy aloqada bo‘lgani aniqlangan va tegishli tartibda ushlangan.
Aniqlangan barcha holatlar yuzasidan ushlangan shaxslarga nisbatan Jinoyat kodeksining 113-moddasi (tanosil yoki OIV kasalligi/OITSni tarqatish) 4-qismi bilan jinoyat ishi qo‘zg‘atilib, tergov harakati olib borilmoqda.
2023-yil iyun holatiga ko‘ra, respublikada 48 mingdan ortiq shaxsda OIV kasalligi tashxislangan. So‘nggi 5 yilda OIV infeksiyasiga tekshiruvlar soni 700 mingdan 3,5 millionga yoki 5 barobarga ortgan. Hukumat tomonidan dori vositalarini moliyalashtirish 80 foizni tashkil etgan.
Izoh (0)