27-iyul kuni Xalq deputatlari Toshkent shahar kengashining navbatdagi sessiyasi bo‘lib o‘tdi. Unda deputatlar Ekologiya, atrof-muhitni muhofaza qilish va iqlim o‘zgarishi boshqarmasi tomonidan 2023-yilning ikkinchi yarimyilligida amalga oshiriladigan ishlarni belgilab berdi.
Unga ko‘ra, Toshkent shahri hududlaridagi ko‘p yillik daraxtlarning tag qismi beton qoplamalari bilan qoplangan bo‘lib, daraxtlarga har xil turdagi tungi yoritish moslamalari va reklama bannerlarini osish holatlari bartaraf qilinadi.
“Yashil makon” umummilliy loyihasi doirasida Toshkent shahrida joriy yil davomida qo‘shimcha 26 ta yashil jamoat parklari va yashil bog‘lar tashkil etilib, Toshkent shahrining ko‘kalamzorlashtirish darajasi 28 foiz bo‘lishi ta’minlanadi.
Toshkent shahar hududida aholini xavfli gidrometeorologik hodisalardan barvaqt ogohlantirish darajasini oshirish bo‘yicha kuzatuv stansiyalari va postlar soni 2023—2024-yillarda 18 tadan 36 taga yetkaziladi.
Toshkent shahri atmosfera havosi ifloslanishining oldini olish maqsadida shahar hududida benzin va gaz yoqilg‘isida harakatlanayotgan transportlar harakati cheklanadi, elektromobillardan keng foydalanish joriy qilinadi va ularni tez quvvatlantirish shoxobchalari tashkil etiladi.
Bundan tashqari, 2023-yil sentabrdan boshlab har yili “22-sentabr — avtomobilsiz kun”, “10 ming qadam piyoda” kabi aksiyalari o‘tkaziladi.
2023-yil davomida 7 ta sanoat korxonalarida lokal tozalash inshootlari qurilishi va rekonstruksiya qilinishi, dasturga kiritilgan korxonalarda ekologik nazorat tadbirlari amalga oshirilishining nazoratini kuchaytirish, kunlik hosil bo‘layotgan 7 million 218 ming metr kub yoki yillik 2 trillion 78 milliard 784 million metr kub ifloslangan oqova suvlarning atrof-muhitga tozalanmasdan tashlanishining oldi olinib, ochiq suv havzalarining suv sifati yaxshilanishini taʼminlash ko‘zda tutilgan.
Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi 2023-yil bahor mavsumida “Yashil makon” umummilliy loyihasi doirasida Toshkent shahrida ekilgan 602 mingta daraxt va buta ko‘chatlarining qanchasi sug‘orish tizimi yo‘q joyga ekilganini aniqlaydi.
Izoh (1)
Окава сув хакидага статистикани тугирлаб езинглар триллион куб метр сувни Тошкент 100 йилда хам истемол кила олмайди. Тугирлпб куйинглар балки шу литр булса керак! Бу айтаетган ракамингиз 3 та тулган орол денгизи сувидан катта микдорни ташкил этади.