Saudiya Arabistoni 2030-yilga qadar transferlar uchun qancha pul sarflay olishi ma’lum qilindi.
Jurnalist Ben Jeykobsning yozishicha, Saudiya Arabistoni sport vazirligi 2030-yilga qadar mahalliy klublar uchun budjetdan 17 milliard funt (19,7 milliard yevro) ajratgan. Bu har yilga deyarli 2,5 milliard yevrodan to‘g‘ri keladi.
Yozning boshida Kilian Mbappe transferi uchun budjet yetishmaydi deb hisoblangandi, biroq saudiyalik rahbarlar va “Al-Hilol” bunday vaziyat yuzaga kelishini bilgan va tayyorgarlik ko‘rgan.
Lionel Messi bilan muzokaralardagi muvaffaqiyatsizlikdan so‘ng, “Al-Hilol” yulduz maqomidagi futbolchini olib kelishga diqqatini qaratgan. Bu hozirda klub uchun asosiy maqsad bo‘lib turibdi. Jamoa ushbu yozda Neymar va Luka Modrich transferlari imkoniyatini ham o‘rganib chiqqan.
“Al-Hilol”ning 2024-yildagi asosiy transfer maqsadi — Robert Levandovski. Hozircha “Barselona” hujumchisi Saudiya Arabistoniga o‘tish haqida o‘ylamayapti.
Avvalroq, “PSJ” “Al-Hilol”ning 300 million yevrolik taklifini qabul qilgani haqida xabar qilingandi. Hujumchining o‘ziga esa bir mavsum uchun 700 million yevro va 2024-yilda “Real”ga tekinga o‘tishni va’da qilgan.
Izoh (0)