Yakshanba kuni Eron janubi-sharqidagi Seyiston va Balujiston viloyatida terrorchilik guruhi tomonidan uyushtirilgan qurolli hujum oqibatida to‘rt nafar politsiyasi xodimi halok bo‘ldi, deb xabar bermoqda Tasnim agentligi mintaqa prokuraturasiga tayanib.
Agentlik terakt qurbonlarining ismlarini keltirib, hujum Xashdan Taftanga ketish yo‘lida sodir bo‘lganini ta’kidladi.
“Ushbu teraktda yo‘l politsiyasi xodimlari Mehdi Ollohpur, Rizo Ismoiliy, Muhammad Rizo Shayxiy va Hasan Vohidiy halok bo‘ldi”, — deyiladi xabarda.
Mamlakat kuch tuzilmalari jinoyatchilarni qidirmoqda. Hozircha mamlakatda faoliyat yuritayotgan hech bir qurolli guruh hujum uchun javobgarlikni o‘z zimmasiga olmadi.
Seyiston va Balujiston Eronning 31 ta viloyatidan biri bo‘lib, mamlakat janubi-sharqida Afg‘oniston va Pokiston bilan chegaradosh hududda joylashgan.
Izoh (0)