Telegram’da yangi funksiya paydo bo‘ldi – endi foydalanuvchilar Instagram’ga o‘xshash Stories joylashi mumkin. Yangi funksiyadan hozircha faqat Premium-obunachilari foydalana oladi.
Stories joylash yoki ularni ko‘rish uchun Telegram ilovasini so‘nggi versiyaga yangilash kerak. Shundan so‘ng Telegram menyuda stories qatori paydo bo‘ladi.
Instagram’dan farqli ravishda stories turadigan vaqtni o‘zingiz tanlashingiz mumkin: olti soatdan 48 soatgacha. Telegram’ga Stories joylagandan so‘ng ham uni tahrirlash imkoni bor, ya’ni videolarni kesish, qo‘shimcha matn kiritish mumkin. Stories’ga 60 soniyagacha uzunlikdagi videolarni qo‘yish mumkin.
Shuningdek, siz joylagan Stories’ni kimlar ko‘rishini ham tanlay olasiz. Boshqa foydalanuvchilar sizning profilingizdagi Stories’ni saqlab olishi, skrinshot qilishi yoki ulashishi mumkin. Ammo buni cheklash tugmasi ham bor.
Telegram messenjerida Stories qo‘yish funksiyasi paydo bo‘lishi haqida iyun oyida ijtimoiy tarmoq asoschisi Pavel Durov xabar qilgandi.
Izoh (0)