Telegram’да янги функция пайдо бўлди – энди фойдаланувчилар Instagram’га ўхшаш Stories жойлаши мумкин. Янги функциядан ҳозирча фақат Premium-обуначилари фойдалана олади.
Stories жойлаш ёки уларни кўриш учун Telegram иловасини сўнгги версияга янгилаш керак. Шундан сўнг Telegram менюда сториэс қатори пайдо бўлади.
Instagram’дан фарқли равишда сториэс турадиган вақтни ўзингиз танлашингиз мумкин: олти соатдан 48 соатгача. Telegram’га Stories жойлагандан сўнг ҳам уни таҳрирлаш имкони бор, яъни видеоларни кесиш, қўшимча матн киритиш мумкин. Stories’га 60 сониягача узунликдаги видеоларни қўйиш мумкин.
Шунингдек, сиз жойлаган Stories’ни кимлар кўришини ҳам танлай оласиз. Бошқа фойдаланувчилар сизнинг профилингиздаги Stories’ни сақлаб олиши, скриншот қилиши ёки улашиши мумкин. Аммо буни чеклаш тугмаси ҳам бор.
Telegram мессенжерида Stories қўйиш функцияси пайдо бўлиши ҳақида июнь ойида ижтимоий тармоқ асосчиси Павел Дуров хабар қилганди.
Изоҳ (0)