O‘zbekistonda olti oyda qancha chaqaloq tug‘ilgani ma’lum bo‘ldi

O‘zbekistonda 2023-yilning yanvar—iyun oylarida 434 519 ta tug‘ilish qayd etildi. Bu haqda Statistika agentligi xabar berdi.

Qayd etilishicha, olti oy ichida dunyoga kelgan chaqaloqlarning 9 810 nafarini egizaklar tashkil etmoqda.

Hududlar kesimida egiz tug‘ilganlar soni:

• Qoraqalpog‘iston Respublikasi – 440 ta;
• Andijon viloyati – 915 ta;
• Buxoro viloyati – 453 ta;
• Jizzax viloyati – 482 ta;
• Qashqadaryo viloyati – 983 ta;
• Navoiy viloyati – 314 ta;
• Namangan viloyati – 724 ta;
• Samarqand viloyati – 1 162 ta;
• Surxondaryo viloyati – 772 ta;
• Sirdaryo viloyati – 243 ta;
• Toshkent viloyati – 735 ta;
• Farg‘ona viloyati – 1 106 ta;
• Xorazm viloyati – 524 ta;
• Toshkent shahri – 957 ta.

2023-yilning yanvar oyida 76 199 nafar tirik tug‘ilish holatlari FHDY organlarida qayd etilgan. Ulardan 1 816 nafari egizak chaqaloqlar hisoblanadi. 2022-yilda esa O‘zbekistonda birinchi farzandini dunyoga keltirgan onalar soni 280 432 nafarni tashkil etgan.