O‘zbekistonda yanvar oyida 1816 nafar egizak chaqaloq tug‘ildi

2023-yilning yanvar oyida O‘zbekistonda 1816 nafar egizak chaqaloq tug‘ilgan. Bu haqda Statistika agentligi xabar qildi.

Qayd etilishicha, bu ko‘rsatkich o‘tgan yilning mos davri bilan solishtirilganda 275 taga oshgan.

Hududlar kesimida tug‘ilgan egizak chaqaloqlar soni bo‘yicha Qashqadaryo viloyati oldinda — 201 nafar egizak. Bundan tashqari, kuchli uchlikdan Samarqand va Farg‘ona viloyatlari ham o‘rin olgan.

To‘liq ro‘yxat quyida:

• Qoraqalpog‘iston – 93 ta; 
• Andijon viloyati – 178 ta;
• Buxoro viloyati – 101 ta;
• Jizzax viloyati – 87 ta;
• Qashqadaryo viloyati – 201 ta;
• Navoiy viloyati – 79 ta;
• Namangan viloyati – 125 ta;
• Samarqand viloyati – 196 ta;
• Surxondaryo viloyati – 159 ta;
• Sirdaryo viloyati – 40 ta;
• Toshkent viloyati – 140 ta;
• Farg‘ona viloyati – 185 ta; 
• Xorazm viloyati – 84 ta;
• Toshkent shahri – 148 ta.