O‘zbekistonda yo‘l qurilishi ishlari sifati o‘rganildi

O‘zbekistonda yo‘l-qurilishi obyektlarida qo‘pol ravishda qoidabuzilishlarga yo‘l qo‘ygan mansabdor shaxslarga nisbatan tegishli choralar qo‘llandi, deb xabar bermoqda Transport vazirligi matbuot xizmati.

Ma’lum qilinishicha, vazirlik huzuridagi yo‘l qurilish ishlarining sifatini nazorat qilish inspeksiyasi tomonidan 2023-yilning yanvar—may oylari davomida 1519 ta obyektda sifat nazorati olib borildi hamda yo‘l-qurilishi obyektlarida aniqlangan 389 ta qoidabuzilish holatlarini bartaraf etish bo‘yicha buyurtmachi, pudratchi, loyihachi, saqlovchi va boshqa tashkilotlarning mas’ul xodimlariga 254 ta bajarilishi majburiy bo‘lgan yozma ko‘rsatma berildi.

Bugungi kunda 254 ta ko‘rsatmadan 202 tasining ijrosi ta’minlandi. Qolgan 52 ta ko‘rsatmaning ijrosi ustidan nazorat o‘rnatilgan.